隱世泰菜 | 沙田

 

夜晚無堂食已經一段時間，好想食泰菜呢😔？

一講泰菜可能好多人會即刻諗起九龍城，但小編偏偏喜歡尼間隱藏喺沙田嘅泰國餐廳，其實尼間餐廳小編已經幫襯咗好多年，周圍食過之後最後佢都係小編嘅泰菜首選🤩。

小小嘅泰菜餐廳之前喺沙田顯徑一帶，有露天有室內，除咗佢嘅泰菜好好食之外，小編更喜歡坐喺露天位置，一邊享受美食一邊享受果度嘅寧靜，感覺真係好舒服就好似真係去咗泰國嘆世界一樣😌。

但幾年前佢地就搬咗去沙田嘅大水坑，雖然已經唔能夠搵返果種感覺，但因為佢地嘅食物水準真係超高，所以佢都仍然係小編心中嘅泰菜首選😅。

基本上尼間泰菜所有菜式都非常好食，但小編一定要推介一下其中幾款，尼幾款都係小編每次必食之選；尤其是係佢嘅泰式生蝦同泰式柚子沙律，必定係首選😍😍！

- 泰式生蝦 (最好預訂定)：生蝦非常新鮮，蝦肉彈牙，而最重要嘅係個炸蝦頭，炸到卜卜脆食到停唔到口😋😋。

- 泰式柚子沙律：用嘅係真正泰國金柚，好甜而且柚肉粒粒飽滿多汁，超正😋😋！

重有大約一星期就有返夜晚堂食，小編真係好心急好期待再去現場好好咁享受一下佢地嘅美食。

#泰中意 #沙田 #大水坑 #隱世泰菜 #泰式生蝦 #泰式柚子沙律